金龍軒 (已結業)

之前同事极力推介金龙轩鸡煲，见佢出左团购，$98/位好似几抵食，咪买黎试下。先讲讲环境，普普通通，一般工厂区食堂。餐具尚算整洁，但地下好滑，出入要份外小心。服务态度一般，可能因为任食任饮，枱面冇摆放水杯，要问侍应生攞，第1次问攞杯，个女侍应求其指个方向叫我自己去攞，但其实果边系冇杯既，最后要再问另1个，先可以系另1个角落度攞到。至于食物，因为朋友唔食辣所以叫左唔辣，唔知系咪因为咁样，成个鸡煲只系得个汁杰，完全冇味，要求加番少少辣味，希望会d，点知待应姐姐叫我自己去调味区攞辣酱加落去，对佢呢个答案，真系O左咀。虽然系任食，但选择唔多，质数亦都麻麻，肥牛超肥，超多根，唔食也吧。到最后，唔知系果度既职员定老细生日，佢地开大个卡拉ok系度唱，不停“恭祝你福寿与天齐……”，完全冇顾及客人感受，我地亦因为佢地美妙既歌声转战第二度饮野倾计。今次用左openrice个网上订枱，谂住储下分，点知....明明到左，朋友先到亦有同佢地讲订左枱，但佢地只系不停问摆团购纸，完全忘记帮我按出席，最后虽然有再问佢地，但换来答案系....我地冇话佢知，订枱已取消，冇得储分。