影片
更多
2014-10-17
998 浏览
以前潮軒曾經係我同朋友成日食宵夜嘅地方，但有一次去食，發覺食物質素嚴重下跌之後就有一段時間再無去食~直至到尋晚食宵夜，友人提議去潮軒再試一次，咁耐無食，博下會唔會轉左大廚，點知...唉...瀨野~我地兩個人叫左四樣野，分別係九菜豬紅，辣子雞，辣酒煮田螺同埋梅子醬爆骨~四樣野只有辣子雞一道菜係味道無出事，不過要揾舊雞食下都好困難，要好似尋寶咁~九菜豬紅成碗油浸豬紅咁，得油味，d豬紅質地仲要怪怪地，同以前食開嘅唔同左~辣酒煮花螺，一d酒味都冇，d花螺細粒過一節手指尾，價錢牌寫$58，實收$68，問佢先話因為加左價，令人失望~令我激氣就係梅子醬爆骨，一上菜，同友人都有同一個疑問：做乜俾碟生炒骨我？因為以往梅子醬爆骨都係我地必點嘅菜，首先齋講個樣，以前係一條骨，而家切碎左？！於是問侍應叔叔呢碟係咩黎，侍應叔叔答我地話係生炒骨，我地同侍應叔叔講我地係要梅子醬爆骨，佢拎去換之際，另一個侍應嬸嬸問咩事之後話冇得換，因為佢話呢碟就係梅子醬爆骨~咁我地話加$轉蒜茸蒸中蝦得唔得，佢第一個反應話可以轉，於是我地話轉，但佢隨即反口話都係唔得，佢話你可以加多一樣餸，但呢碟梅子醬爆骨都係要俾$，一定冇得轉，好似被
以前潮軒曾經係我同朋友成日食宵夜嘅地方，但有一次去食，發覺食物質素嚴重下跌之後就有一段時間再無去食~
直至到尋晚食宵夜，友人提議去潮軒再試一次，咁耐無食，博下會唔會轉左大廚，點知...唉...瀨野~
我地兩個人叫左四樣野，分別係九菜豬紅，辣子雞，辣酒煮田螺同埋梅子醬爆骨~
四樣野只有辣子雞一道菜係味道無出事，不過要揾舊雞食下都好困難，要好似尋寶咁~
九菜豬紅成碗油浸豬紅咁，得油味，d豬紅質地仲要怪怪地，同以前食開嘅唔同左~
辣酒煮花螺，一d酒味都冇，d花螺細粒過一節手指尾，價錢牌寫$58，實收$68，問佢先話因為加左價，令人失望~
令我激氣就係梅子醬爆骨，一上菜，同友人都有同一個疑問：做乜俾碟生炒骨我？因為以往梅子醬爆骨都係我地必點嘅菜，首先齋講個樣，以前係一條骨，而家切碎左？！於是問侍應叔叔呢碟係咩黎，侍應叔叔答我地話係生炒骨，我地同侍應叔叔講我地係要梅子醬爆骨，佢拎去換之際，另一個侍應嬸嬸問咩事之後話冇得換，因為佢話呢碟就係梅子醬爆骨~咁我地話加$轉蒜茸蒸中蝦得唔得，佢第一個反應話可以轉，於是我地話轉，但佢隨即反口話都係唔得，佢話你可以加多一樣餸，但呢碟梅子醬爆骨都係要俾$，一定冇得轉，好似被騙咁~
咁算喇照食，點知...唉...味道同生炒骨一樣~
食完對潮軒徹底地失望，價錢狂加，食物質素下跌，價錢牌加左價唔update，坐喺附近都已經內地人居多(因為附近有間三四星酒店)，真係冇下次~
张贴
