影片
更多
2013-05-12
117 浏览
好啦，我認，咖哩真係會令人食上癮。今日咖哩癮突然來襲，就搵家姐陪我黎呢間比較近既日式咖哩專門店。雖然呢間咖哩店開左都有一段時間，而且近我住既地方，不過就一直都冇咩意欲去試。皆因我見網上既食評麻麻，而且好似唔係幾抵食咁。不過，點都要親身試過先可以作準既。係有人請客既情況下，即刻拉個老細一齊黎試。我家姐叫左個蔬菜咖哩飯跟雜菌同龍利柳，我就要左個季節蔬菜咖哩飯。由於見佢標準飯量都幾大，為免浪費，我同家姐一齊叫左少飯~(所以相中既飯量係偏少既~)等左兩個字左右之後，D野食開始陸續上枱。首先黎既係我家姐既蔬菜咖哩飯跟雜菌同龍利柳，由於我冇食過，所以不予置評。不過，我家姐話有一棣野一定要幫佢寫出黎，以示佢既不滿個個價值$25既龍利柳，我諗都係一片龍利柳炸左之後再分開四份。睇落好似份量都幾多，不過呢個只係炸衣提供既假象當我家姐為呢四件矜貴既龍利柳脫去厚厚的外衣後，內裡只剩下薄薄的一片龍利柳，我望到之後都即刻笑左出黎雖然我知道唔應該對$25既龍利柳有咩期望，但係佢薄到俾我形容為比爭鮮三蚊一件既三文魚壽司上既三文魚更薄，我同家姐都不得不佩服廚房既刀工！講返我自己個個既季節蔬菜咖哩飯。我開頭見到個名，仲諗
今日咖哩癮突然來襲，就搵家姐陪我黎呢間比較近既日式咖哩專門店。
雖然呢間咖哩店開左都有一段時間，而且近我住既地方，不過就一直都冇咩意欲去試。皆因我見網上既食評麻麻，而且好似唔係幾抵食咁。
不過，點都要親身試過先可以作準既。係有人請客既情況下，即刻拉個老細一齊黎試。
我家姐叫左個蔬菜咖哩飯跟雜菌同龍利柳，我就要左個季節蔬菜咖哩飯。由於見佢標準飯量都幾大，為免浪費，我同家姐一齊叫左少飯~(所以相中既飯量係偏少既~)
等左兩個字左右之後，D野食開始陸續上枱。
首先黎既係我家姐既蔬菜咖哩飯跟雜菌同龍利柳，由於我冇食過，所以不予置評。
不過，我家姐話有一棣野一定要幫佢寫出黎，以示佢既不滿個個價值$25既龍利柳，我諗都係一片龍利柳炸左之後再分開四份。睇落好似份量都幾多，不過呢個只係炸衣提供既假象
當我家姐為呢四件矜貴既龍利柳脫去厚厚的外衣後，內裡只剩下薄薄的一片龍利柳，我望到之後都即刻笑左出黎
雖然我知道唔應該對$25既龍利柳有咩期望，但係佢薄到俾我形容為比爭鮮三蚊一件既三文魚壽司上既三文魚更薄，我同家姐都不得不佩服廚房既刀工！
講返我自己個個既季節蔬菜咖哩飯。
我開頭見到個名，仲諗緊佢有幾季節性，一上枱既時候，我只見到一大份既炒椰菜入面夾雜少許薄薄的紅蘿蔔同翠肉瓜。老實講，我係有少少失望既。(無論係椰菜、紅蘿蔔定翠肉瓜，只要我想食，我諗而家一年四季都有得食啦...)佢呢個炒椰菜只係炒好之後就咁放係D飯上面，其實都冇咩特別。只要佢唔太油同唔燶就OK啦。唯一好既地方就係佢應該係即叫即炒既，因為佢上枱既時候我見D菜出緊煙~熱辣辣的~
論到個主角咖哩膽。
我本身睇其他食評既相時都唔覺D咖哩汁入面有餡，好似得個汁咁，所以先要加額外既配料。點知我個蔬菜汁入面原來有少少既紅蘿蔔片同薯仔片，呢個真係估佢唔到。不過我略嫌D紅蘿蔔片同薯仔片切得太薄，而且佢可能煮得太耐，淋左D，冇咩口感，我都係鍾意有咬口多D。
而個咖哩汁呢...我覺得淨係得個甜字，甚至係有少少偏甜了。甜味蓋過了一切，好似冇咩香料味，同埋一D辣都冇
雖然我知日式咖哩係偏甜同辣度唔高，但係都冇諗過係甜成咁同一D都唔辣囉。
我唔知呢D係咪正宗既日式咖哩，只可以講唔係太岩我口味~
我覺得點少都好，都要有DD辣先可以叫做咖哩。
既然係咁，我就唯有加枱面既辣油落去，希望解解辣癮啦。
點知支辣油都係唔辣既！就算我起勢係咁倒都唔覺得辣囉，最後搞到好似搵油黎撈飯咁。
同埋我覺得佢支辣油其實都冇咩香味，就算加左落咖哩度都唔會話有D咩味道上既提升。
坦白講，我對支辣油係失望既。
講開辣油，順便講講隔離個樽漬物。
樽漬物入面應該有好多唔同種類既瓜或者根莖類蔬菜，我唯一認到既只係蓮藕
不過呢樽漬物同佢個咖哩膽一樣，對我黎講有D過甜啦。
雖然佢脆脆地咁拎黎送咖哩飯係幾好，但係都掩蓋唔到佢過甜既事實。如果佢甜度低返D既話咁就GD GD GD啦。
如果鍾意食D唔辣或者唔太辣既咖哩既人，可能會喜歡呢到既。
不過我就覺得唔太岩我口味同埋有D偏貴囉，我想食咖哩既話就未必會再黎啦。
题外话/补充资料：
我上白熊個官網見佢個季節蔬菜咖哩飯係$55，點知我去到個時見到係$65，我開頭以為係佢加左價，個網未UPDATE啦。但係之後我經過上環同青衣既分店，見到佢地個餐牌上顯示季節蔬菜咖哩飯都係$55。究竟屯門呢暑分店既季節蔬菜咖哩飯有咩咁特別，要貴人成$10呢？
(以上食记乃用户个人意见 , 并不代表OpenRice之观点。)
张贴
