上三兩 (已結業)

每次經過見到佢門面好神秘，都想好想入去試吓，睇完餐牌發現原來係專食蟹粉，更加有好感. 終於有時間，加上又有商場優惠券，決定帶埋媽咪一齊去試吓. 打電話book枱話booking滿左要walk -in. 以為佢好爆 去到諗住會係好多人，點知得兩台四個人… 咁樣都唔俾人book? 餐廳非常「精緻」.. 無諗過咁細. 一共就6-7 張枱. Menu 就兩版. 得幾款野食. 我估個個都係嗌個幾味. 味道其實唔差，但係性價比極低. 諗起以前喺上海出差去蟹王府買嘅蟹黃膏，香好多creamy好多. 相比之下就覺得呢間嘢難食… 煙燻蛋得一隻，都係令我有少少意外. 盛惠$78. 儘管蛋上面有黑松露同埋蟹肉，但係都係定價太高… 如果有兩隻蛋，我都覺得收費還可以. 本來仲叫咗一個海鮮拼盤，但係因為真係食得好唔過癮，已經好想走… 最後取消咗，冇食到. 我覺得如果一兩個人嚟過吓癮嘅話都可以，但係如果諗住三四個人嚟食就非常唔抵. 其實佢咁樣真係好快會執…