壽兵衛 - 壽喜燒專門店

营业中

休息中

香港正宗嘅壽喜燒唔多，呢間係我嘅最愛，係用上関西風味醬汁。前菜彈牙南非鮑魚，鮟鱇魚乾配辣蘿蔔，香濃蟹膏豆腐，火炙過表面及芝麻點綴刺身有北海道帆立貝，大Toro及深海池魚，每樣都夠鮮甜！海膽和牛他他，鵪鶉蛋，黑魚子，青瓜絲，口感爽脆又帶點鹹香。墨汁，墨魚仔，魚籽蒸蛋，入口墨汁香濃，少少蒜香，又鮮又甜。巴西牛舌蕊，配柚子汁，辣蘿蔔及香蔥，牛舌爽脆，少少辛辣嘅配料，特別開胃。美國熟成牛，21-28 日熟成，牛味突出，纖維都分解晒，口感特別軟滑，可以點埋紅色蛋汁一齊食，蛋香更突出。日本A5和牛肉眼，油脂感澎湃，入口即化，點黃色嘅雞蛋汁，口感會更加滑，滑到冇朋友！日本A4和牛西冷，肉味香濃些，好彩有啲配菜中間點綴下，唔怕太過滯。之後仲有日本的斧飯，中間有啲蟹肉蠶豆，最緊要嘅係前面三文魚籽可以無限添加，雖然好飽都忍唔住加咗三大羹，越食越滋味！最後哈密瓜柚子雪葩，完美的結尾！餐廳每樣餸都好有心思，器皿上枱都非常之有襯托嘅作用，每樣食材配合都非常突出，全程師傅會幫你燒，自己唔使擔心，呢度最好係兩個朋友可以選擇不同嘅餐，唔怕食得太飽。