隨您鍾意

由中學食到而家，一直都冇加過價，味道仲係咁好味。隨你鍾意係我喺銅鑼灣唔知食咩嘅時候嘅選擇😂😂 $15兩個手卷，又平又好味，去邊度揾喎！

佢最出名係三文魚手卷，即叫即整，仲有其他魚生手卷、壽司、刺身、生蠔、日式熟食，間唔中仲有新Menu。

今次叫咗三文魚手卷同蟹膏手卷。三文魚手卷嘅三文魚係角切，乜都好肥美喎，好似食緊三文魚腩咁。鮮甜又有咬口，都幾高質！

因為手卷比較細件，所以每一啖都可以食到魚生、紫菜同飯，正🥰

蟹膏手卷出面比較少有，就算有都係壽司，但一件都最少$10，但一件手卷起碼係三件壽司啦！絕對物超所值😎 重點係，好味！🤪🤪

隨您鍾意，堅決一生推💪🏻