嘉發小食

真係我食過最好食嘅格仔餅，兩位老闆會放到最脆嘅時候俾你，我試過行開咗一陣先返嚟拎，老闆仲唔好意思咁同我講話應該冧咗少少，但都仲係好好食！

原味加厚格仔餅

試過晒佢哋嘅繽紛樂味、原味花生、同埋抹茶，其實隻隻都好食！但私心都係最鍾意原味花生，一定一定要食加厚版！口感一流，食半個已經可以爆曬個肚。

其他小食都非常用心，蘿蔔好入味，碗仔翅好足料，腸粉滑，加埋秘製辣醬，冇得頂！

全部都係現場榨汁的。

咁用心嘅小店越嚟越少見，大家要支持！