369
112
69
等级4
124
3
作为前正街街坊嘅女,成日听阿妈讲源记嘅桑寄生蛋茶好好饮,当之後成为半个西环街坊就成日买外卖俾佢食,我妈话多年水平都无变,系得源记先煲到咁清喎👍🏻。亦因爲咁嘅关系,我第一次食桑寄生就系喺源记,而我亦因此爱上咗😊。呢日喺附近食完饭,唔算太饱,时间又尚早,所以就堂食,平日就外卖多。我就必嗌桑寄生双蛋茶($37)㗎喇,因为同朋友share,就叫佢嗌另一款香滑炖鸡蛋🥚($35),另外加多件全蛋鸡蛋糕($8)。我嘅桑寄生真系十次十次都咁好食😋😋😋,永无失准,好清甜,朋友以前觉得好浓药材味,但食多几次佢都觉得正。我唔识形容系点嘅味,因为唔系大路食物,但总之食完好舒服。我妈有讲好啱女仔食👩🏻‍🦰,枱面佢亦仲有介绍滋阴降压👍🏻。另外,点解要嗌双蛋🥚🥚茶,你睇下张图就知,因为只蛋系超入味,又弹牙!个蛋白入面都系啡色㗎,真材实料,第到食唔到咁正宗😉,我妈同我都系咁话嘅,我买多咗碗外卖俾佢。不过我唯一不满系无论堂食定外卖蛋茶都只系占大半碗,唔够满😡,次次都系。另一款香滑炖鸡蛋🥚就少啲嗌,嚟到系满满淡黄色啲蛋,睇得出好滑,完全无巢皮,食落亦都一样。热辣辣好正,而且食得出不少少姜汁嘅味,甜得嚟又好清,继桑寄生以外
更多
23 浏览
0 赞好
0 留言
14 浏览
0 赞好
0 留言

作为前正街街坊嘅女,成日听阿妈讲源记嘅桑寄生蛋茶好好饮,当之後成为半个西环街坊就成日买外卖俾佢食,我妈话多年水平都无变,系得源记先煲到咁清喎👍🏻。
57 浏览
0 赞好
0 留言
21 浏览
0 赞好
0 留言

亦因爲咁嘅关系,我第一次食桑寄生就系喺源记,而我亦因此爱上咗😊。呢日喺附近食完饭,唔算太饱,时间又尚早,所以就堂食,平日就外卖多。我就必嗌桑寄生双蛋茶($37)㗎喇,因为同朋友share,就叫佢嗌另一款香滑炖鸡蛋🥚($35),另外加多件全蛋鸡蛋糕($8)。
桑寄生双蛋茶
$37
8 浏览
0 赞好
0 留言
7 浏览
0 赞好
0 留言
10 浏览
0 赞好
0 留言

我嘅桑寄生真系十次十次都咁好食😋😋😋,永无失准,好清甜,朋友以前觉得好浓药材味,但食多几次佢都觉得正。我唔识形容系点嘅味,因为唔系大路食物,但总之食完好舒服。我妈有讲好啱女仔食👩🏻‍🦰,枱面佢亦仲有介绍滋阴降压👍🏻。另外,点解要嗌双蛋🥚🥚茶,你睇下张图就知,因为只蛋系超入味,又弹牙!个蛋白入面都系啡色㗎,真材实料,第到食唔到咁正宗😉,我妈同我都系咁话嘅,我买多咗碗外卖俾佢。不过我唯一不满系无论堂食定外卖蛋茶都只系占大半碗,唔够满😡,次次都系。
香滑炖鸡蛋
$35
15 浏览
0 赞好
0 留言

另一款香滑炖鸡蛋🥚就少啲嗌,嚟到系满满淡黄色啲蛋,睇得出好滑,完全无巢皮,食落亦都一样。热辣辣好正,而且食得出不少少姜汁嘅味,甜得嚟又好清,继桑寄生以外推介嘅甜品
全蛋鸡蛋糕
$8
20 浏览
0 赞好
0 留言
23 浏览
0 赞好
0 留言

至於嚿全蛋鸡蛋糕,就相对无咁出色,系比较中式嘅蛋糕,偏米白色,食落唔太甜,但略嫌有啲乾身,唔够湿。可以一试,但我唔会再嗌,虽然我其实之前都食过🙈。好搞笑我哋嗰嚿蛋糕系边边,所以个shape唔系长方形🔲。
13 浏览
1 赞好
0 留言
11 浏览
0 赞好
0 留言

总括嚟讲,食过源记嘅糖水你就会明点解佢会可以系喺西环屹立不倒嘅老字号👍🏻,真心有特色同好味🤤,不过真系见住佢不停加价,我第一次食$2x到而家$37😨😨,糖水嚟讲其实都真系几贵。而且今日餐厅唔够凉,可能人多啦,好彩食热嘢都未至出汗。但我都会继续嚟食的,未食过嘅亦绝对值得嚟食,一试爱上。❤️😍🥰
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2019-08-17
用餐途径
堂食
人均消费
$40 (宵夜)
推介美食
桑寄生双蛋茶
$ 37
香滑炖鸡蛋
$ 35