.
📌自家製手打鮮蝦餅 $98
呢個蝦餅冇加麵粉 啖啖蝦肉 爽口彈牙🦐配埋個越式魚露蝦餅醬汁 酸酸甜甜 夠晒清爽又解膩 做前菜一流🙌🏻旁邊仲有青木瓜沙律 好開胃🥗如果炸得再脆啲 就Perfect😎
.
📌炸軟殼蟹青木瓜沙律 $88
軟殼蟹真係炸得好酥脆 咬開勁多蟹膏蟹肉 好鮮甜🦀但係油膩感好重 食落一口油 連隻碟都係🥺同埋旁邊嘅青木瓜沙律份量都幾少 同蝦餅盤碟份量差唔多😣
.
📌金不換炒豬肉, 羅馬生菜 $98
豬肉碎肥瘦均勻 加咗啲金不換,辣椒,洋蔥一齊炒 好香口🌿🧅🌶再加埋爽脆嘅生菜 好清新🥬
.
📌伊比利亞豬頸肉飯 $98
個豬頸肉有驚喜 食得出係用咗靚嘅豬肉🐷切得好靚 外面脆脆地 肉質爽口嫩滑 加埋啲甘香嘅肥膏 真係好正💯椰菜花飯食落好有口感 唔會切得太碎 而且保留到菜嘅清甜味 仲好多汁💚建議一定要+$20轉 好食又解膩之餘 仲更健康‼️
.
📌生酮巴斯克芝士蛋糕 $68
嘅個咖啡味幾濃 但又唔會蓋過芝士嘅味道☕️🧀不過口感就唔夠creamy軟滑😢Btw隻熊仔係自己加上去🐻
.
📌咖啡千層糕 $58
原本以為佢係西式嘅蛋糕 但佢係類似中式嘅糕點🙈個咖啡味比蛋糕更加濃苦🤩一層奶味 一層咖啡味 夾埋食 味道啱啱好🥰
.
📌Espresso Tonic $45
呢度嘅espresso係偏酸嘅 加埋tonic water 唔知點解有浸怪味 同朋友都覺得麻麻地🫣
.
📌鮮青檸薄荷梳打 $45
呢個就幾好飲 青檸加薄荷味夠晒清新 配埋梳打水 夏天飲好清爽☀️
