饞。台式食堂 (如心廣場二期) (已結業)

繼續試下如心新進駐嘅餐廳😎💁🏻‍♀️ 今次食左饞•台式幸福食堂，佢係類似canteen咁嘅形式，野飲、前菜、主菜、主食都有幾個選擇比你自己配搭。 未入去前門口嘅staff已經會簡單介紹個運作～同屋企人每個category都揀啲一齊試😁 先講野飲，有5款、3凍2熱，都幾大杯。我要左熱檸檬薑母茶，檸檬嘅酸味同薑母帶嘅甜味balance得好好，而且因為落左檸檬，個薑味會無咁重咁搶。屋企人揀左白桃烏龍茶，佢話個茶味都幾香。前菜5款，每人可以揀2款，所以我地試到4款🤣 涼拌四季豆、胡麻秋葵四季豆調味適中，胡麻秋葵都有幾多芝麻醬😍木耳、溏心蛋木耳本身menu無，幾爽口。溏心蛋整得唔錯，堅溏心👍🏻主菜有6款揀，唔同款收費不同，介乎$78-88。份量都幾大！1️⃣ 饞嘴排骨酥香口嘅、脆嘅，但係可能咁岩調味唔係好勻巡😅 有幾舊真係鹹左啲🙈2️⃣ 台式糖醋魚柳個魚柳啲肉幾滑，炸得都脆。不過個汁我地覺得略為酸左啲，不過配飯食都仲可以。主食我地無特別轉其他飯，就咁食白飯就算。台灣米望落同食落都覺得幾飽滿。整體黎講我覺得饞嘅野飲同前菜都做得唔錯，係主食嘅調味略為重手左少少，希望可以改善埋呢點。