狎鷗亭居酒屋

营业中

休息中

原來諾士佛台一間工廈入面，收埋左一間零宣傳，由韓國人開設嘅正宗韓國菜。韓國人開都未夠勁，呢到仲主打大份概念，比大家一齊黎聚會或慶祝（少有的免切餅費）今次叫左以下幾款：$258慢煮燉牛仔骨一上枱個下都心知不妙，完全冇諗過咁大份🤣🤣牛仔骨用左燉嘅方法煮，牛肉十分入味又腍，基本上一咬落去就骨肉分離。味道有少少似紅燒牛肉，不過就冇咁鹹同有少少辣味。$238海螺拌涼麵呢款絕對有驚喜，味道完全同係韓國食過嘅一樣。入口個陣係酸酸地然後辣味慢慢浸出黎，如果唔係好食得辣，叫小辣都已經好夠。海螺超級爽口彈下，一食個下覺好似係濟洲島咁。$168韓式年糕配紫菜卷呢個真係必叫，冇試過係香港食過咁煙靱嘅年糕。平時食個啲係好勁茄汁味但呢個係勁少茄汁味。青口份量都唔小，每舊都新鮮彈牙。紫菜卷即叫即炸，入面包住啲冬粉，點少少年糕醬食都唔錯。$148蘋果沙冰（細）上枱個下以為係大，點知係細🤣成杯都係用蘋果新鮮打成嘅蘋果蓉加蘋果絲，食到辣或者濟時飲下都唔錯。多人食嘅話呢個飲品絕對值得叫。🦌🐿️平時真係好少食韓國野，覺咩都係道咁茄汁加辣醬，但呢間完美地copy返韓國陣味，如果多人食除返開個價都唔算貴。🦌🐿️📍 狎鷗亭 @apgu