金沙角小館 (已改名) 查看

開業差不多三個月，問唔時經過都見到坐無虛席，今晚星期六就試試，晚上唔夠六點，店內已經九成滿坐，响門口望下望下睇下有無位之際侍應哥哥就問有有冇攞飛，之後好快就可以入坐。店內環境，除非坐側car位，否則都有點迫。店內有七八個侍應，但眼見周邊有人催單、漏單、落錯單、收錯錢、侍應同收銀嘈⋯明顯完全無默契。餐牌選擇不多，最後點了：椒鹽雞軟骨、啫啫通菜煲、黑椒牛仔骨。過了十五分鐘左右先來椒鹽鮮魷，對，是落錯單，過五分鐘才來椒鹽雞軟骨，是厚炸粉⋯但有底味的（自行評價）個人麻麻。啫啫通菜煲，正常發揮，上枱時還滋滋聲的。黑椒牛仔骨，賣相一流，青紅椒好香，牛仔骨好厚，但食落完全無牛味，鬆肉粉乸過龍，還有阿摩尼亞味，結果幾乎原煲無食過，浪費金銀。叫了兩支青島$56埋單$350。未至於劣評，但應該不會再來。