銅鑼灣呢間新開，買咗幾件返屋企同家人share😋
大概六款口味選擇，視乎當日銷售狀況 6pm去已經好多售罄，好在仲有特別口味
5
兩塊疏乎厘pancake夾住一大球cream
疏乎厘pancake雖然唔似日式嗰種咁空氣，但反而覺得幾好食🥞
入口軟綿有適當濕潤度似蛋糕，帶有蛋香
一啲都唔甜，可以突顯忌廉口味
值得欣賞係忌廉質感做得好好👍🏻減去一般忌廉油膩感
唔講真係會俾佢呃到，雪凍後食根本係雪糕🍦
平時唔食cream都覺得呢個正
▶️ 薄荷巧克力碎 Mint chocolate ($32)
✨新品✨
甚少有既口味，即管試吓
薄荷味重，鍾意嘅會好鍾意
唔鍾意嘅會話似食緊牙膏😂因為會有清新通鼻感覺
個人覺得OK🍫同朱古力碎好夾
▶️ 小開心 Pistachio ($36)
近期大熱開心果💚
忌廉面頭落足開心果碎，脆脆地有口感
本身忌廉已經重開心果味，似食開心果雪糕！
▶️ 海鹽奧利奧 Salted oreo ($29)
雖然冇話好重Oreo或朱古力味，主要來自面頭oreo粉
但鍾意呢個一鹹一甜嘅配搭🤤
應該係三款入邊自己最鍾意嘅口味❣️
-
比預期中好味😙三個口味都唔伏
滿足到不同嘅愛好者
可惜今次賣晒抹茶口味，下次再試
店員服務好，購買過程快手
地店方便，利舞臺一樓行街必經
性價比高，平過堂食日本疏乎厘一半
路過買返個食，止吓甜品癮唔錯～
💡建議即日食用，最多冷藏保存兩日
💡即場追蹤社交平台、po story即送Fufu公仔❤️
