勝香園

营业中

休息中

排檔呢家野真係又愛又恨，愛佢咁好食咁抵食，恨佢戶外又無冷氣無蚊香⋯一年四季都勁多人排緊，總之一日中半山有人，勝香園門口一定有人龍！所以，今日凍喇，我可以去排喇😂😂事隔一年再黎幫襯，餐牌都係咁，後面果堆雜物都係就冧咁😂今日晏左黎，無哂米粉，所以叫左蕃茄牛肉雞翼通粉。上枱時熱辣辣，飲啖湯，都係又濃又酸酸地既蕃茄濃湯，但係今日要讚個牛肉，超淋！仲叫左冬天第一杯茶走（少奶），開始凍喇唔好飲咁甜，真係好正，仍然係咁香茶味，練奶又唔會搶哂味，100分！