金鶴拉麵 (和富道) (已結業)

琴日同屋企人一齊出去附近食拉麵，入咗去依間鋪頭，入面嘅裝修好靚，有種幽靜嘅感覺，有張金鶴嘅圖，好日本風。我哋就嗌咗一碗拉麵，一個鰻魚飯。野食未黎之前服務員先幫我地斟茶，啲茶係麥茶，細節位幾好。首先上嘅係北海道極濃蟹湯拉麵 ，個面嘅湯底超濃郁，好有蟹味，連續飲咗幾啖，而且啲蟹肉已經剝好哂喺面，配埋啲拉麵食落去好搭，個糖心蛋又好流心，超正，之前未食過呢間，家姐推介轉雞肉，食完之後覺得佢冇推介錯，個雞肉真係好味好嫩口！最後係個鰻魚飯，上面有大大舊鰻魚，再加上珍珠米，食落去真係perfect match，而且份量幾大，兩個人都可以一齊share。跟住個昆布湯清清地，都好好飲。MENU