湊湊火鍋‧茶憩 (K11購物藝術館)

早排行街行到肚餓，但係又未到食晚飯嘅時間，凍凍地又見間湊湊火鍋下午茶時間冇乜人，俾佢出面寫住無限續鴨血吸引到，即管試下佢。

企鵝丸

第一樣吸引到嘅反而係「企鵝丸」，其實係墨魚丸d friend，應該係平時白色加黑色墨魚丸唧出嚟。見佢哋個樣咁得意唔捨得咬落去，但係真係好彈牙，真心正！

鴨血豆腐梗係配麻辣鍋先正啦，個鍋叫「勵志鍋」，即係台式麻辣鍋。以為d 鴨血豆腐可以任叫就會低質，點知d 豆腐滑得嚟豆味濃，鴨血好入味。仲有前菜生果係出面任夾，性價比奇高。

環境又坐得舒服，同朋友傾下傾下，添下豆腐鴨血點知食飽咗。一定會有下次，到時人多d 可以叫多幾款試真d 呢間網紅店。