聚點坊點心專門店 (已搬遷) 新店位置

最近鍾意食點心，星期日同屋企人終於去左呢間平時好多遊客排隊既聚點坊飲早茶。 由於都幾早算少人唔洗等位。 叫左8個點心到，上菜時間比想像中快。我地比較鍾意個鳳爪排骨飯，價錢合理，飯好在唔油米亦唔似有時遇到咁生硬但粒粒分明，份量十足又足料，平時午餐會係一個唔錯既選擇。腸份皮薄偏透明，春卷炸得鬆化但有d油(可能都好難避免)，燒賣大致滿意餡無雪腥味，但反而期待已久既雪山叉燒包就食完一個都幾滯……而且雞札既冬菇有d酸。飲茶唔加一價錢真係平好多，雖然點心選擇不多，但服務態度唔錯，下次再如果唔多人等都可以再黎試下其他點心。