影片
更多
2023-06-04
84 浏览
最近經常去新都城，發現呢間韓國菜原來唔使加一，所以決定入去試下。爆醬黑豚豬仔骨鍋（BB辛辣爆醬） $108本來諗住呢個骨鍋平平地應該好細兜，點知超大兜，我地食咗好耐先食得完。佢有三種味可以揀，分別係原味蒜爆醬、超火辣爆醬同埋BB辛辣爆醬。我地揀咗BB辛辣爆醬，味道有啲似年糕湯/泡菜湯嗰種辣，係接受到嘅辣度。豬仔骨啖啖肉，一拆骨即刻骨肉分離。牛骨蘿蔔湯跟飯 $128牛骨蘿蔔湯係我嘅至愛！牛骨湯裡面加入大量牛骨、白蘿蔔、洋蔥去煲，所以味道十分清甜，送飯一流。芝士泡菜煎餅 $82泡菜煎餅餅底脆得嚟又煙韌，啖啖食落都有泡菜！面頭芝士焗至焦香，增添香氣。甜辣芝士年糕 $58年糕份量多，除咗年糕裡面仲有魚糕同半隻蛋。趁面頭芝士仲熱嘅時候可以拉絲，睇得又玩得，芝士仲中和咗本身嘅辣味～韓閣最近仲推出咗韓式米酒辣雞煲，星期一至四限定價$98咋，下次一於去試下！
爆醬黑豚豬仔骨鍋（BB辛辣爆醬） $108
本來諗住呢個骨鍋平平地應該好細兜，點知超大兜，我地食咗好耐先食得完。佢有三種味可以揀，分別係原味蒜爆醬、超火辣爆醬同埋BB辛辣爆醬。我地揀咗BB辛辣爆醬，味道有啲似年糕湯/泡菜湯嗰種辣，係接受到嘅辣度。豬仔骨啖啖肉，一拆骨即刻骨肉分離。
牛骨蘿蔔湯跟飯 $128
牛骨蘿蔔湯係我嘅至愛！牛骨湯裡面加入大量牛骨、白蘿蔔、洋蔥去煲，所以味道十分清甜，送飯一流。
芝士泡菜煎餅 $82
泡菜煎餅餅底脆得嚟又煙韌，啖啖食落都有泡菜！面頭芝士焗至焦香，增添香氣。
甜辣芝士年糕 $58
年糕份量多，除咗年糕裡面仲有魚糕同半隻蛋。趁面頭芝士仲熱嘅時候可以拉絲，睇得又玩得，芝士仲中和咗本身嘅辣味～
韓閣最近仲推出咗韓式米酒辣雞煲，星期一至四限定價$98咋，下次一於去試下！
张贴
