榮華南洋冰室

营业中

休息中

Item: 榮華南洋冰室
Rating: 4
Author: C9靓太

Wing Wah Southeast Asia Cafe

119 食记

味道

环境

服务

卫生

抵食

7338

上环

$51-100

泰国菜新加坡菜粉面/米线咖喱串烧咪嘥嘢食店

资讯:
餐厅:	榮華南洋冰室

为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。

详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign

C9靓太

等级3

星期五晚,本来想去苏豪区食西餐,但系见到条街咁多人,唔想咁嘈,于是行行吓行到太平山街附近,见到一间南洋餐厅,即刻想试下。喺中上环想揾间平平哋又好坐嘅餐厅,真系唔容易。其实响门口见到啲嘢食都几吸引,老板仲亲自出来招揽,系冇hard feeling𠮶只,所以就入去帮衬下啦。一入门口,要先行落几级楼梯,已经觉得好有特色。望下个餐牌,d嘢食又唔贵,可能晚上附近嘅食客都去晒锯扒,嚟呢间餐厅嘅人并唔多,所以坐得好舒适。我哋两个人嗌咗一个冬阴功猪扒贵刁,同埋姜黄鸡扒饭,一杯咸柠七,仲有泰式奶茶。个贵刁真系好惹味,仲要成个煲上,睇见已经流口水,冬阴功汤底做得唔错,贵刁真系爽口好味,喺个猪扒少少dry,但可以接受。至于个姜黄鸡饭,我叫咗个姜蓉做酱,由于我钟意食姜,所以觉得好好味。碟头饭嘅配菜并唔系普通椰菜丝或者生菜两条,而系腌过嘅青瓜,令到食客好醒胃,系少见嘅做法,我好钟意。老板仲请我食多一小碟腌青瓜添,真识do😁!最后要赞一赞个泰式奶茶,首先系成壶上,老板话要焗5分钟,另外只杯已落咗炼奶,茶焗好自己冲,冲出黎有一阵椰香味,而且个茶底好好饮。我仲想添食,见到个餐牌下午茶有菠萝油,如果配埋呢杯泰式奶茶,一

星期五晚,本来想去苏豪区食西餐,但系见到条街咁多人,唔想咁嘈,于是行行吓行到太平山街附近,见到一间南洋餐厅,即刻想试下。喺中上环想揾间平平哋又好坐嘅餐厅,真系唔容易。其实响门口见到啲嘢食都几吸引,老板仲亲自出来招揽,系冇hard feeling𠮶只,所以就入去帮衬下啦。
一入门口,要先行落几级楼梯,已经觉得好有特色。望下个餐牌,d嘢食又唔贵,可能晚上附近嘅食客都去晒锯扒,嚟呢间餐厅嘅人并唔多,所以坐得好舒适。
我哋两个人嗌咗一个冬阴功猪扒贵刁,同埋姜黄鸡扒饭,一杯咸柠七,仲有泰式奶茶。个贵刁真系好惹味,仲要成个煲上,睇见已经流口水,冬阴功汤底做得唔错,贵刁真系爽口好味,喺个猪扒少少dry,但可以接受。至于个姜黄鸡饭,我叫咗个姜蓉做酱,由于我钟意食姜,所以觉得好好味。碟头饭嘅配菜并唔系普通椰菜丝或者生菜两条,而系腌过嘅青瓜,令到食客好醒胃,系少见嘅做法,我好钟意。老板仲请我食多一小碟腌青瓜添,真识do😁!
最后要赞一赞个泰式奶茶,首先系成壶上,老板话要焗5分钟,另外只杯已落咗炼奶,茶焗好自己冲,冲出黎有一阵椰香味,而且个茶底好好饮。我仲想添食,见到个餐牌下午茶有菠萝油,如果配埋呢杯泰式奶茶,一定好正!
我边食边望下周围环境,可能灯光关系,就系觉得有一种莫名其妙嘅亲切感。之后仲见到好多明星签名,唔少得成日喺附近拍戏嘅"熊家"一众演员,怪唔得知咁亲切啦!我期待下次黎帮衬下午茶