一郎

营业中

休息中

尖沙咀亚士厘道附近都有好多好野食，今次就轮到食依间。小店细细间，环境就充满色彩。而面食选择就贵精不贵多，得五款供选择。都仲有小食可以追加，食拉面都有得扭蛋抽都系第一次，今次抽到汽水一罐。羽根饺子 $32一碟4只，饺皮薄而烟韧，馅肉丰满有肉汁，饺子底香煎酥脆，味道唔错。唐扬炸鸡 $38炸鸡大件厚肉，外皮咸酥香脆，肉质鲜嫩食落唔油腻。𓊈赤郎君 - 激辛地狱拉面 $98汤底辛辣非常刺激，面质爽口弹牙，仲有红当当的溏心蛋，蛋黄半熟不凝固高水准，慢煮西班牙黑豚叉烧薄而烟韧。限定君 - 鲷鱼汤拉面 $138汤底呈奶白色，鱼汤味道浓郁，热饮唔腥趁热食为佳。拉面软硬适中，配上和歌山真鲷鱼片三块，鱼肉软嫩细致，味道鲜美。仲有溏心蛋、叉烧、豆卜、芦笋、味付荀笋、木耳丝、紫菜。整体味道唔错。静冈蜜瓜梳打 $26蜜瓜味道浓郁入口香甜唔会好甜，梳打有气清爽感觉。抹茶可乐 $26饮落似食可乐糖的味道，甜度适中，但就抹茶味就唔争气，饮唔出。