北園酒家 (已結業)

和四個為食鬼一齊到北園酒家食lunch, 今日主題係外遊花絮, 加上創意的點心, 我哋成餐一面食, 一面笑. 北園點心種類好多, 我哋叫咗必食的腐皮夾, 鬼馬腸粉, 炸八爪魚鬚,蝦餃, 燒賣, 流沙奶黄煎堆,蘿蔔糕, 棉花糖白兔仔…. 等等, 一共叫咗13個點心和一個烏冬. 點心熱辣辣, 又足料, 非常滋味。 最後, 仲有糖水送, 是日送冬瓜眉豆糖水, 消暑好味. ( 如果多D人, 仲有生果盤送!) 呢度唔係果種同客食飯, 或者高貴太太好優雅咁飲茶的類型. 但如果你有4 個人以上 (即係每人一粒蝦餃), 想茶哇哇咁食到成枱都係點心, 我會推介北園酒家俾你, 希望你食得都咁開心.