住屯門區嘅朋友帶咗我去食呢間充滿文青氣色嘅木玥巷😯
餐廳門面好靚，牆上面都有唔少裝飾品，而且入面啲位都好闊好好坐😚
一入到餐廳店員就比咗碗免費嘅琥珀合桃作為餐前小食
餐廳入面仲播住台灣流行曲，真係好似去咗台灣旅行咁🇹🇼
由於今個夏天實在太熱啦所以我地一到就叫咗木玥招牌水果茶🍋🍊
份量勁大杯而且入面仲有好多百香果籽同果肉，感覺好似台式手搖飲品咁😆
個人覺得佢味道偏酸，唔單止消暑仲好開胃🤗
我就叫咗個湯底好清甜冇乜甜精嘅紅燒牛肉麵，炸豆卜吸曬啲汁非常正！
全個麵仲有好多唔同嘅配料，牛肉好大塊之餘牛筋同牛肚都好入味🤤
麵底好有咬口唔會一咬就斷，有啲似手打麵咁，不過麵嘅份量多啲就好了🤧
朋友就叫咗個安格斯滷肉乾拌麵😃
佢話個安格斯牛煮得好淋，而且啲肉又唔會散開曬👍🏻
小食方面就叫咗朋友鐘意食嘅日式炸吉列蠔🇯🇵
賣相真係好靚而且都算大隻😮💨
地址：屯門井財街7號力生大廈地下4-5號舖
