相約去食海鮮蒸鍋，
就帶我去尖沙咀蟹仙食蒸氣鍋，雖然位置不太好找，但用餐當晚都有不少本地客和外地食客棒場
蟹仙有提供多款2-6位的海鮮套餐，有刁鑽嘅海鮮套餐，更有兒童套餐和小食，我地揀咗最抵食嘅二人尊貴海鮮套餐，每位$449
✨野生膏仔蟹
菲律賓野生奄仔蟹，好大隻爆多蟹膏，蟹膏質地柔軟甘甜，肉質比肉蟹更嫩滑，蟹味鮮甜
✨太平洋饅頭蟹
太平洋饅頭蟹比較稀有矜貴，今次有幸第一次品嚐到，蟹身比較細小，蟹膏呈橙紅色，肉質細緻，味道鮮甜
✨野山琵琶龍蝦
琵琶龍蝦外觀上唔係咁討好，但食落肉質爽口彈牙，味道比龍蝦更鮮甜
✨台灣九孔鮑魚
九孔鮑魚肉質比較結實有嚼勁，鮮甜美味
✨蟹黃大元貝
大元貝蒸嘅時間啱啱好冇過火，口感軟腍鮮甜，面層加埋蟹粉，鮮味更提升
✨大西洋野生青口
青口味道鮮甜濃郁，口感豐滿彈牙有嚼勁，加上面層的蟹粉，食起來更鮮味無窮
✨韓國釜山珍珠蠔
珍珠蠔肉質鮮嫩飽滿，味道鮮甜，帶有濃厚嘅海洋氣味
✨加拿大野生海虎蝦
海虎蝦夠新鮮，蝦肉結實彈牙，味道鮮甜，用蒸氣方法食出最原始嘅海蝦鮮味
✨蟶子皇
蟶子皇味道夠鮮甜，食落夠爽口，不用添加任何醬料調味已經好好味
✨有機蔬菜籃
食咗咁多海鮮，食返啲有機蔬菜平衡返，用蒸嘅方法不用加鹽加油，食起來更健康
✨粥底
粥底有排骨、粟米、芋頭粒和蔥等配料，加埋海鮮嘅精華，食落每一啖都充滿鮮味
✨ 椰汁燉雪燕
食完咁豐富嘅原味海鮮，加埋配飽肚嘅粥，
最尾食返個甜品，非常完美嘅一餐
食海鮮一定要夠「新鮮」，唔使用太多調味料，簡簡單單用蒸嘅方法就可以保留到海鮮嘅原始味道。蟹仙嘅老闆經營超過40年海鮮入口，每日都親身走去揀每日由世界各地空運到港嘅靚海鮮，保證大家食到新鮮嘅生猛海鮮，值得再回訪
