小胖台灣麵 (已結業)

去元朗千色匯附近買電器，搞掂搵個地方食嘢，亂打亂撞去咗呢間，掂喎，即刻寫個食評記錄同推薦吓😙幾多人食野喎，不過呢度上菜好快，而且店員好有禮貌，用餐心情好～💥半筋半肉紅燒牛肉麵牛肉肉質軟嫩，唔會炆得溶溶爛爛，既有口感但不會乾柴，入味而不死鹹，燘到好稔好入味，大滿足😋紅燒湯湯頭帶橙紅色，微辣香濃甘甜😋麵條厚實而滑，彈牙，掛湯力強，吸盡牛肉紅油鮮辣味。好食！💥古早味烤豬扒便當份量大夠晒飽肚！豬扒大塊夠淋兼入味，另外仲有半肥瘦滷肉，加配菜撈飯一流💥香香炸雞扒雞扒炸粉唔會太過厚，十分乾身脆口，脆皮緊緊鎖住肉汁，雞肉夠滑嫩，入口層次分明，調味唔會太鹹，如果灑多啲鹽更加香口😎本身跟餐包一杯冬瓜茶/無糖烏龍茶，升級叫手搖茶半價，抵飲💪🏻💥珍珠烏龍奶茶茶味香，珍珠Q，奶味唔會過重，已經算飲到有茶味，唔係齋奶💥冰爆咕咕力朱古力味濃，比預期中無咁甜，飲哂成杯都唔會太膩！