熊本牛鍋 (世宙商場)

营业中

休息中

甚少入元朗嘅我比朋友捉咗入嚟，話帶我食好嘢，佢話屋企附近有間火鍋放題幾抵食，諗住帶我一齊試試，入到舖頭可能係平日晏晝時間比較少人，唔洗等位。我哋揀咗澳洲M4-M5和牛套餐，原來餐廳做緊快閃優惠，二人同行一人半價。🍽️套餐包咗6️⃣款任食肉類：澳洲M4-M5和牛頂級牛肉牛白肉牛肩胛保濕豬豚肉雞肉肉類方面質素唔錯，肉質唔會過韌，色澤平均，而我最鍾意食係牛白肉，爽得嚟帶點牛嘅油脂，食落好滿足，食肉獸必點。🛎️職員仲提我哋讚好專業like & share同留言，即送免費蒸海鮮，勁吸引😍。🦐蒸海鮮有5️⃣款，鮑魚、蝦、蟶子、扇貝、蠔，全部都好新鮮，食落好鮮甜，肉質爽口彈牙，配埋蒜蓉粉絲一齊食絕配。🍲火鍋配料有5️⃣0️⃣多款以上，真係選擇困難症🤣，配料方面我最鍾意食厚切牛舌，肉質好軟淋就算煮咗都唔韌，另外芫荽牛丸好正！好濃芫荽味，鍾意食芫荽控一定要試。另外仲設有雪糕區🍨、2️⃣0️⃣多款飲品及啤酒任揀🍺，餐廳仲好有心思整咗啲自家製甜品同自家製飲品比客人揀選。