8號茶居 (順發樓) (已結業)

朗屏本地居民！元朗巴士總站一帶有好多餐廳，幾乎間間都俾我食過，今次黎食下呢間新派點心店！覺得好抵食！茶錢5蚊位，食到超飽都係200蚊左右!😆首推 鴛鴦鮮蝦網米腸幼滑腸粉包住脆脆網紋皮再包住鮮蝦，三重口感！雪山叉燒包🗻脆脆甜外皮，包住熱辣辣叉燒包，內餡叉燒多超足料！8號蝦餃皇🦐大大隻蝦餃皇，入面勁多隻蝦，蝦肉爽口彈牙！鵪鶉蛋燒賣🐣鵪鶉蛋蛋香濃厚，燒賣豬肉厚實！黑松露野菌粉果🍄有創意又好食！勁濃黑松露香味，菇味十足!薑蔥牛柏葉🐂牛柏葉入味，爽口彈牙!薑蔥夠惹味!原盅花雕養顏綿花雞🐤好大舊魚肚，吸哂d花雕汁，勁好味！雞肉冇骨啖啖肉!