芭堤雅泰國餐館

营业中

休息中

呢間元朗泰菜長期有人喺門口等位，十一假期就嚟試吓啦😎 因為要六人或以上先至可以訂位，咁我一行四人就唯有早少少五點半就嚟等晚市六點開門😎🦐泰式生蝦，都幾大隻，不過唔夠凍🍤泰式炸蝦餅，有蝦味，彈牙，但略嫌多油🦐胡椒大頭蝦，個汁好惹味，唔辣，有六隻大頭蝦，都幾大隻🐟鹽燒馬友，夠大條，燒得啱啱好，好滑🐷紅咖喱五花腩，唔辣，五花腩炸過，夠焾🍞蒜蓉包，圓形嘅切開咗裏面搽咗蒜蓉醬，外脆內軟🥬馬拉盞炒通菜，惹味嘅，但係略嫌鹹咗啲同埋太油🍍菠蘿炒飯，幾足料，有粟米粒同提子乾小朋友好鍾意，仲有一片燒菠蘿添🍹 飲品叫咗三款，又大杯又靚