多多雞大排檔

营业中

休息中

就朋友OT，9點零10點先食飯，一早mark定多多雞，開到凌晨四點，夜一夜都有得食。👉🏻招牌即燒雞🍗每枱都叫嘅名物，即叫即燒要等30分鐘，不過真係值得等，四個字形容—皮脆肉嫩。雞肉夠味，唔使點任何醬汁都好好食。👉🏻菠蘿咕噜肉叫黎送啤酒，新鮮菠蘿🍍肉質稔爽，炸漿唔厚，每件都掛晒汁，份量好多好滿足。👉🏻蝦仁黄金炒飯驚喜～驚喜在無想像中咁重口味，有鑊氣但唔油，炒飯至高境界。材料好簡單，蝦仁好多粒，間中食到咸蛋黃，好香口好正。👉🏻薑蔥台生蠔煲🥘蠔肉大粒飽滿，大約有8隻蠔。啫得好香，超級多洋蔥仔、薑蔥蒜，唔會太咸果下好。