武士料理

营业中

休息中

有元朗朋友介紹之下，黎左一間朗屏附近，比較隱世嘅日式居酒屋。一進去被氛黃燈光包圍，吃到新鮮飛機貨，再感覺到老闆親民態度，非常舒適！武士之魂刺身盛 有多款時令新鮮刺身，每款兩切，再有一個超豐盛丼飯，樓梯款擺設上盤相當吸引！特別要提及馬糞海膽，金黃色海水味濃厚，入口口感慢慢溶化；拖羅、赤身吃出不同魚香口感，魚味尤其濃郁；刺身丼滿滿蟹籽、刺身角切，好大份！牡丹蝦 刺身大大條，蝦頭充滿金黃蝦膏，蝦肉Q彈嫩口，值得特別單點。一週年海膽拖羅武士魚生飯魚生全部都厚切又肥美，份量仲唔少，拖羅嘅魚油送飯一流 。唐揚魷魚鬚新鮮即炸非常脆口魷魚鬚，送酒簡直一流，尤其是用紫菜粉作炸粉，香口之餘又帶一種特別！餐廳仲有唔同優惠，例如串燒買一送一、日本啤酒優惠等等，真的值得來試試。