倆口小吃 (已結業)

菠蘿炸雞刈包 $46小山園若竹抹茶壓餅 $35朱古力焙茶壓餅 $33芋泥肉鬆壓餅$28雪糕潤餅 $28炸白玉 - 黑芝麻&花生 $24 (2串)呢排超級大熱既小食店, 網上盛傳通常要等2個中先會等到, 之前試過超級暴雨天5點中到達, 所有食物已經賣晒, 所以今次早d去試下。小店12點半開鋪, 我地1點到達既時候目測前面有大概20組客人, 諗住應該唔駛太耐, 結果都係等左差唔多2個中先可以落order(等野食另外需要20分中到)。等到我地既時候, 當日5種口味既刈包只係賣淨2種, 我地就試左菠蘿炸雞。菠蘿炸雞刈包既醬汁都幾辣, 菠蘿同炸雞都好足料, 刈包比想像中淋左少少, 有機會係太多醬汁所以浸淋左佢, 但都幾好味。芋泥壓餅幾香口, 抹茶同培茶壓餅就重茶味, 全部都幾好食, 對比上黎芋泥壓餅會吸引d。炸白玉無論係黑芝麻定花生都好好食, 整起個時熱辣辣又超級煙靭, 欣賞! 雪糕潤餅好足料好大個, 入面有雪糕花生碎芫荽同耶絲, 食完都半飽。總括黎講, 每樣野食都幾好食但就等2個中就真係太耐。如果可以唔駛等咁耐會再黎試。Overall:Taste - 8/10Booking - ❌ —————