Bellevue Bar and Grill (已結業)

前一排同朋友去油麻地揾野食，最后黎左呢间Bellevue。餐厅系高层，望出去都好开扬，枱与枱之间有一定距离，同心仪对象上黎约会非常适合。大家可以静静地倾下计，饮支82年既红酒。如果女朋友生日/特别时候庆祝，呢度不失一个典雅而具格调既地方。环境同服务黎讲，呢度都一定系好高分数，佢哋既野食都好唔错。我同朋友叫左ribs 同risotto，另外加左黑松露薯条同最后既Bellevue Sweet Surprise。Main dish黎讲ribs系好出色，肉质好嫩，调味岩岩好；作为本身risotto头号爱好者，呢餐既risotto虽然色调有d意想不到但食落都系水准之上。薯条方面就不过不失，钟意黑松露既朋友可以一试；最后既Bellevue Sweet Surprise真系有surprise ，比好多甜品铺头好食。