和匠日式燒肉店

营业中

休息中

口痕又想食燒肉了，今晚簡左佐敦一間日本燒肉店，環境唔算好大，但尚算寛敝，餐枱連陶瓷爐都係由日本定製，而燒肉之前爐比一般爐具要預熱更高溫度先可以燒，確保肉質保持最佳狀態，非常講究。店員每上一道菜都會解釋一下食材處理，而且有禮，非常貼心。每人會跟一份醬料，左邊係柚子醬，中間係燒肉醬，同右邊既芝麻醬。🥢磯煮鮑魚（2隻）磯煮係日本一種煮海鮮的方法，令肉質保持鮮嫩彈牙，又可讓濃郁的湯汁裹住鮑魚，非常唔錯既一道前菜。🥢豚腩肉（鹽燒）豚腩肉油花均勻，嫩滑多汁，味道甘香。🥢日本産帆立貝帆立貝配上牛油、香蒜、黑松露醬一起燒非常香口，肉質好嫰，種種配料加埋一齊更令層次培增。🐂牛魔再現🥢美國Prime牛小排油脂相對地平均， 肉香十足又不失嚼勁。🥢美國Prime牛角切牛肉味濃郁，做成角切肉質較為有口感。🥢日本産A4和牛肉眼和牛比普通牛肉油花更多，入口即溶，同時帶有清甜，雖然邪惡，但也有十分滿足感。🥢三文魚籽海膽炒飯炒飯上碟時十分香，海膽鮮味濃郁，三文魚籽有咬仲帶咸香，配埋充滿蛋香既炒飯底，好滿足。🍹熱情果特飲/青蘋果特飲兩杯梳打特飲都係少甜且清爽，食完燒肉飲消暑解渴。