掌壽司 (已結業)

今日嚟到觀塘工廠大厦逛逛樓上小店，順道幫襯位於駱駝漆大厦嘅《掌壽司》，之前食過佢嘅午餐，用料唔錯，值得回頭。牛油果醬魚生沙律~買相好吸引，醬汁嘅調味啱啱好，魚生角切仲有鰻魚，蔬菜新鮮爽脆。燒沙甸魚乾~熱辣辣魚乾，即叫即烤，味道可口。赤海蝦刺身(2隻)~滑捋捋，鮮味；帆立貝刺身(3件)~原隻帆立貝，勁厚肉，好鮮甜。油甘魚刺身(2件)~新鮮厚切；火灸左口魚邊壽司~豐富魚脂，入口即溶；黃金蟹膏軍艦~蟹膏份量都唔少，蟹膏味道香濃；碎蔥吞拿魚軍艦~吞拿魚蓉配葱粒好夾。燒牛舌~烤嘅時間啱啱好，有口感得嚟唔韌，個人特別喜歡牛舌，牛舌香味冇其他部位可以取代。燒雞翼(兩隻)~師傅燒烤嘅技巧都唔錯，雞翼皮脆肉滑。壽喜燒鍋(二人前)~澳洲產M9和牛脂肪含量勁高，真真和味；北海道產豚肉~呢個豚肉都不遜色，肉質嫩滑；野菜鍋連日本雞蛋，蔬菜包括旺菜、蘿蔔、冬菇、金菇、南瓜......仲有玻璃粉。