本佐日本燒肉料理 (已結業)

朋友生日， 一於去食番個優質晚餐， 朋友提議去「本佐日本燒肉料理」， 我緊係奉陪啦! 本佐有多種刺身款式提供， 有我最喜愛的三文魚、帶子刺身同日本甜蝦等等。三文魚肥美鮮甜，魚味十足。 帶子鮮甜可口， 口感爽口彈牙，好滿意， 使人特別陶醉! 燒肉包括有熊本一口和牛，黑椒牛仔骨、 安格斯極上牛仔骨同西班牙黑豚五花腩肉等等。 真係包羅萬有， 而我最鍾意就係《熊本一口和牛》 同《伊比利亞橡果一口豬》。《熊本一口和牛》，牛味香甜， 肉質嫩滑，油脂分布平均， 入口軟腍鬆化， 好正。 《伊比利亞橡果一囗豬》 ， 豬味濃郁， 軟嫩而多汁， 肉質非常細緻，帶有橡果香味，特別好味。 除了燒肉， 仲有海鮮放題， 包括有魚柳， 海蝦，日本元貝，廣島蠔同紐西蘭青口等等。 全部海鮮都好正呀， 尤其是蝦同青口，肥美可口， 爽口彈牙， 好食。仲有炸物、野菜、同壽司等等。 有意外驚喜嘅多春魚， 即叫即炸，十分鬆脆！仲有我至愛嘅榴槤， 外層鬆脆、 仲有流心嘅香濃榴槤， 仲好多餡料， 正呀！