喜鍋 海鮮‧火鍋‧小廚 (已結業)

虽然老婆唔太食牛，不过我同佢姊妹两公婆都系牛魔王，佢地之前因为同事介绍试过呢间外界一致好评的火锅小店<<喜锅 海鲜‧火锅‧小厨>>，觉得非常好食，所以专登约埋我地一行4人一齐刷返餐牛肉火锅盛宴。😋喜锅虽然地址系旺角，不过我地系OPENRICE揾到其实从油麻地地铁站过去系比较近。我地到的时候，朋友两公婆已经攞左位，我地坐系地下果层，朋友话楼上仲有一层，地方都几大特别系餐枱够哂大，唔惊点多菜放唔落。由于佢地之前已经来过，所以今日点菜就交俾佢地负责，我地负责食就可以。😝今晚主打当然系牛魔王大战牛魔皇啦，喜锅的牛魔皇塔$398一份，份量超级大，分3层: 顶层安格斯牛柳粒，下面2层分别系安格斯牛颈脊同手切本地牛颈脊。最抢手系底层的牛颈脊，油脂超丰富，肉质软腍牛肉味浓，连唔太好牛肉的老婆都加入争食。🙈中层的牛颈脊肉味最浓，肉质弹牙有咬劲，老婆姊妹比较喜欢呢个。我自己最钟意顶层的安格斯牛柳粒，肉汁超丰富又爽口弹牙而且完全唔韧，不过需要煮的时间较长，所以都系同佢地抢食完牛颈脊之后再慢慢刷。🤣牛魔皇塔$398呢个价钱确系抵食。👍我地今日拣左招牌花胶鲨鱼骨胶原汤锅做火锅汤底