利寶閣 (已結業)

今晚去上環和長輩食飯，長輩揀了利寶閣，話佢既晚飯小菜做得不錯。坐低睇餐牌見到推介 - 谷飼豚肉义燒煎蛋飯 + 原盅佛跳牆，即刻叫店員留左一位佛跳牆好足料！有鮑魚、碎翅、螺肉、雞腳，而且經過多小時燉製，湯好鮮甜。呢個义燒飯既瘦义燒上菜後仍然好熱，醬油汁咸度剛好，正。推介小菜 - 橙花蝦球 用新鮮橙肉汁淋上炸過既大蝦球，酸酸甜甜咁，好食！晚市有多款特惠小菜蜜糖欖角骨 - 欖角好香，用作炒排骨粒好夾魚湯雲耳浸菜苗 - 用魚湯浸既菜，清淡得黎又有魚既鮮味