大瀛喜日本料理 (已結業)

之前成日都話想食大瀛喜放題，點知暑假差唔多完先食到。有兩場既，我地去左2100夜晚個場。去到已經見到有好多人排隊等緊入座。一坐低就二話不說要點野食。佢個度食物林林種種有沙律小食，刺身，卷物，手卷，壽司，天婦羅，炸物，燒物，不同既主食，甜品等等。刺身我地就要左三文魚，蝦，北寄貝，帶子。刺身好鮮甜，好好味呀。卷物就要左吉列炸蝦，花之戀，而手卷要左海膽手卷。味道同賣相都唔錯。而我個人好鍾意吉列炸蝦壽司，之後仲番飛左兩碟。至於壽司就要左帶子，醬燒珍寶蟹棒。蟹捧好大條又妹。天婦羅就要左海鹽虎蝦天婦羅，而炸物就要左芝麻雞翼。兩種炸物都好好味，我朋友勁鍾意。至於燒物要左菠蘿，鹽燒牛舌，牛油栗米粒。牛舌好入味，菠蘿酸酸地好消滯。另外，個度仲有免費任食雪條同飲品。