霜瀛 (已搬遷) 新店位置

前幾日生日，男朋友帶左我黎呢間霜瀛度食omakase，呢餐生日飯食得好滿足😚❤️餐內好整理，氣氛好好，情侶黎一流，食物都有好多，由前菜到甜品，一共有7個餐目！食完好滿足😍先介紹蘋果木煙燻鰹魚，蘋果同鰹魚既配搭好特別，仲配上左蔥碎及薑蓉，味道組合好特別，食得好夾，唔會怪，口感仲好豐富！搭埋煙燻更上一層次！壽司方面仲令我深刻既係日本赤睦壽司，上面配上左魚子醬，赤睦外皮燒香，魚油滲入魚身及飯，令飯滲滿魚既香味，味道濃郁，一試難忘🤤👍黎到既甜品都好特別，係一個叫最中餅既餅，唔係普通既餅，最中餅入面係開心果口味雪糕，脆脆既外表配上軟滑既雪糕，口感同味道都好豐富，無諗過連甜品都咁特別同好食！