品越越式料理 (奧海城) (已結業)

今日放假同老公去奧海城行街。發現個商場變咗好多。見到開咗間越南菜喺地下，就去try try 啦。啱啱係下午茶時段，我哋兩個人叫咗3樣食物。1. 越式三文治味道唔錯，但個包就硬咗啲。不過越南三文治啲包通常係咁。2 牛肉lo 檬呢個有小小surprise. 原本見到啲牛肉好似好乾，但係食落又几juicy. 3. 因為未食lunch, 所以叫多個生熟牛肉粉我本身比較鐘意食硬身啲嘅粉所以覺得佢地都几好。可惜個湯就差啲。沒有越南牛肉粉嘅香濃味。所以呢個唔會比高分。整體而言，味道不錯加上店內設計都幾靚。下午茶份量都ok. 成餐成為150元。