麵麵店 (已結業)

我叫咗個三餸米粉$45，老公叫咗個三餸油麵加埋嘢飲$55。我哋叫分別叫咗魷魚、牛栢葉、豬皮、雞翼、腐竹同埋墨魚丸，當中只有雞翼幾好味，夠入味，其他d餸都好一般，麻麻地，唔知點形容，唔係話佢唔好味，只係覺得好似喺街市買返嚟咁嘅貨色，份量又少，但講緊每樣餸都$9至$14不等。當中比較好嘅就係個湯底同埋辣椒油夠辣夠香，不過份量真係好少，我個米粉食咗幾啖就冇。食完之後唔夠兩個鐘，我同老公要走去第二度食下午茶。不過想讚一吓，職員姐姐非常耐心，對唔識用手機落單嘅客人態度好好咁教導，十個讚！整體嚟講我覺得唔係算好差嘅，不過咁嘅價錢，試一次就夠，應該冇下次了。