意樂餐廳 (長發廣場)

营业中

休息中

去到青衣搵食，見到呢間意樂餐廳，夜晚好多時都好多人排隊，見午餐唔使等，一於入去試一試。拎個餐牌睇一睇，有個午市套餐，叫咗一個香煎牛扒餐肉溫泉蛋配珍珠飯，塊牛扒唔會係好硬好難切嗰啲，一切就開，有肉汁，啲黑椒汁亦都濃味。餐肉就薄薄地一塊。外在叫咗一個香煎雞扒滑蛋蓋飯配茄汁，雞扒亦都係剪得好香，滑蛋有少少奶味，夠滑。雞扒嘅份量亦都係夠大份，大食嘅人都一定夠食。呢間餐廳似乎係主打平民西餐，食物質素唔差之餘，選擇亦夠多，價錢亦都好親民。