極上千島櫻海景放題 (已結業)

荃灣廣場睇完戲、近近地行去海之戀試呢間「千島櫻」海景放題、價錢一啲都唔平、因為想食好啲、揀咗最貴嘅C套餐、連加一人均$450、人到去見到環境比較寬躺、亦算乾淨、一坐低就用QR Code自己落Order、已經感覺食物選擇好少、但唔理咁多、每款刺身到嗌嚟睇吓、佢好得意、部份order嘅刺身係冇出現過、刺身嚟到、感覺好雪藏Feel(分別叫咗幾次、同一樣嘢一時新鮮一時好冰鮮)同我喺OpenRice其他食評嘅相有啲出入、不過、有啲剌身係正常嘅、例如、牡丹蝦、鮑魚、帶子、海膽(味道可以、不過好快溶)……但係拖羅、北海道蟹就錯晒咗、作為C套餐指定刺身、立即想叫佢回水、跟住落嚟好多Order嘅嘢都冇出現過、真係唔知點解？其他嘢食水準都屬於中下、例如蟹粥(似水粥、醫院先會出現)、雞軟骨(益嘅)、鰻魚(個味唔係鰻魚汁味)、全晚叫做最好食竟然係芝麻雞翼、當我同朋友食食吓發現中伏嘅時候、用Whatsapp同另一朋友分享、我只係話「食緊日式放題中咗伏」、朋友回應「你唔係去咗食荃灣海之戀嗰間吖嘛？」佢哋伏到上電梯個喎、我先再去OpenRice睇佢嘅「劣評」係講乜、有一編更講食到要報警處理、同埋食完肚屙、我同朋友就