呢款四小拼才$78，有七款前菜選擇，可揀喜歡的四款，自由度高，好有彈性。我揀左馬蘭豆乾、花雕白雞、糖醋排骨、秋葵木耳。
馬蘭豆乾切得精細，入口濕乾度剛好，有陣陣獨有香味，清香爽口。秋葵木耳用黑醋醃過，微酸開胃又爽口。糖醋排骨最濃味，甜酸度平衡，好想送白飯。花雕白雞好嫩滑入味，酒香撲鼻。
金網生煎鍋貼有四件$45，煎得金黃色網狀，好睇又好味，又脆又香口，鍋貼皮帶煙韌，肉汁滿滿帶肉香。
老重慶擔擔麵$45，紅油好吸引，看上去很辣，事實的確辣味慢慢跑出來，越食越刺激，肉碎不太肥，有口感，不會碎到散開。麵仍有咬感，煮得剛好不會糊。
