上海婆婆 (已結業)

星期日晚去屯門玩,順道去屯門市中心行街~竟然有上海婆婆~一直想試,終於食到啦~真係好好味~2個人食,叫左4個餸~1. 麻醬雞絲粉皮<<非常好食,有十個正呀~有好香芝麻味,粉皮夠爽口, 雞絲多,青瓜爽~2. 婆婆粒粒炒飯<<都好好味,不過比較油膩, 因為有好多臘腸粒,個飯好香, 好似糯米飯既味道~3. 蒸菜肉包<<好好好味~皮適中, 饀料豬肉肥瘦適中, 肉汁香濃~4. 豆沙窩餅<<唔好食,皮好乾, 豆沙ok,但因皮唔脆令個餅好硬~整體服務好好,侍應經常主動加茶, 落單時會講明等幾耐先有得食, 結果當然比預期時間快, 環境舒適,不過都好多人等位~要食既就要早d攞定位了~一定會再幫襯!!!