蓮園粥麵小廚甜品 (已結業)

一分錢一分貨, 呢個價錢呢個質素, 無期望亦無失望, 最大好處係店面不大但唔趕客樓底高又係成和道夠方便價錢亦唔貴。甜品選擇都係傳統中式甜品, 試過芝麻糊合桃糊等, 無乜特別, 未至於似粉開但亦唔算得上香滑。有試過焗西米布甸, 都係ok既。未必值得特登去試, 但如果係附近食飽飯想同朋友食多個甜品坐多陣傾陣偈先散場就岩晒。佢有做午市蒸飯, 又係唔貴(三十幾蚊), 有肉餅, 排骨等傳統選擇, 味道唔算特別, 亦似係用微波爐翻熱, 但有涼茶代餐茶或加錢轉甜品, 屬平價之選。