韓閣 (已搬遷) 新店位置

荃灣路德圍一帶都係好多食店，尤其是係米線最多㗎啦，今日我嚟路德圍就係特登唔食米線諗住試下新嘢嘅呢一間韓國嘅傳統料理 ，依家韓國嘅傳統料理我覺得好抵食因為佢嗰啲價錢一啲都唔貴，啱哂想食韓國菜又唔想下下300蚊一位嘅好選擇。食個大韓無骨豬手都係88蚊半份 肉質好稔，皮又軟夠哂膠質，好食。另外叫咗個韓式海鮮煎餅，韓式海鮮煎餅唔辣好好食煎得夠香脆又唔多粉團，海鮮什錦又多好抵讚。另外叫咗兩杯特飲係藍海傳說同菠蘿梳打冰，為炎熱夏天帶來一股清涼感覺。