如意餅店 (已結業)

姨姨係中秋節生日既, 今年想買個特別D既蛋糕比佢, 同妹妹諗左好耐, 最後擇左呢間係因為之前妹妹生日有朋友送過呢間既蛋糕比佢, 妹妹話個蛋糕又靚又幾好味, 咁我見我又未試過, 所以就決定買呢間啦, 係9月15號就去左訂蛋糕, 去到門口望入去好黑, 仲以為無開門添, 當我地行近門口既時候, 店員就開門比我啦, 入到去見到個雪櫃一個蛋糕都無, 仲以為無得賣蛋糕, 原來因為中秋既關係, 而家暫時只有得訂蛋糕, 無散裝蛋糕賣, 之後店員就囉部IPAD比我地訂蛋糕, 由於我地一早已經係OPENRICE影低個蛋糕款式, 決定左買一個磅半既熱情果芝士蛋糕, 所以好快就搞掂個訂貨手續啦, 店員仲好細心咁提我, 囉貨個日係中秋節, 交通好繁忙, 要預早少少時間呀, 到左中秋個日, 姨姨收到個蛋糕好開心, 佢話個蛋糕好特別好靚呀, 仲即刻話要同個蛋糕影相添。