今日傷心星期一，星期一真係好難捱。。
8點先放工，同男朋友快速係百樂食完潮州野，又來朝聖喇!
等左15分鐘左右又來一個紅豆白玉綠茶雪糕。。
紅豆好甜，一食就有勁開心既感覺，白玉一口含住，再加雪糕放在口中，煙煙unun又有綠茶香味
好中意! 而且星期一既傷心度大大下降，多謝怕熱但陪我係條街到排隊的男朋友
我發現我既openrice 都有男朋友既存在，最喜歡食既我，真幸福有一個同樣愛食而又就我既男朋友
"這世界點點滴滴全部都是你"
但係點好食都好, 果種開心都只係停留係進食果一刻, 對比京都中村藤吉果隻綠茶雪糕, 食既時候成個口腔都充滿左綠茶既茶香, 久久不散, 腦部都會受到果陣香氣所影響而變得開心, 而返到香港都仲不停諗起果隻香氣既水準, 仍然有段明確既距離~
京都, 我一定會再去! 中村, 我一定會encore!
