皇室1號東九龍

营业中

休息中

首先，唔知點解呢間宕臨，招牌唔叫富臨，但都似富臨既格局，正式傳統酒樓，早茶啲伙計認得你，見你坐低，好快就會送上你飲開既茶。今次介紹既係午餐，呢間有好多午餐set，我一行4人，叫咗個燒鵝跟籠仔蒸魚飯同灼菜一碟。另加幾碟點心。燒燒好味，皮仲有少少脆，而個底有野暖住。籠仔蒸魚飯就一般，有少少腥味，反而灼菜夠鮮味，唔太淋。點心正正常常。再講環境，傳統酒樓，啲野就少少舊舊地，但呢啲係風味。而服務一樣係傳統，有啲熟既服務好好，唔熟就會差啲。但普遍都正常水平。上菜速度都ok，點心可能即蒸，所以比較耐。價錢都係正常中等。