加藤壽司 (已結業)

班馬騮唔使游水，玩完行完當然要食飯，班馬騮嘅選擇一定係日本菜，但我已經好怕食迴轉壽司店，所以搵咗呢間日本菜，無訂位去到，門面你拍戲見嘅日本人餐廳，木格仔趟門，門檔布，入內深木桌椅加手寫菜色，直程去到日本咁！剛開店店內無乜客餐牌同落餐紙都只有中日對照，但無相片，有啲菜色都要問店員！店員面口比較cool，不過有詳盡解說！坐低比熱茶同毛巾抹手，係傳統日本菜嘅做法！落單之後食物陸續上菜！蟹籽沙律（$60）青瓜絲好長，爽脆清甜，蟹柳淋身，蟹籽卜卜脆，沙律醬薄身酸酸地，好開胃！壽司：用木盤上，賣相好靚，啲魚生好新鮮厚切，個個都讚！司蛤（$30）即係赤貝，貝肉好靚嘅粉橙色，厚肉淋身，又有啲韌勁咬口，壽司飯鬆軟微酸！好味！帶子（$30）帶子嫩滑，好鮮味！左口魚邊（$30）燒過油香滿咀！雞蛋（$10）馬騮食蟹柳（$10）馬騮食蟹籽（$10）馬騮食三文魚（$20）油脂幾粗！馬騮食！八爪魚（$25）媽媽食，大讚！三文魚刺身（$50）厚切，粉橙色好靚，好嫩滑！好味！梅紫蘇卷（$20）呢個要大力推薦，梅子味好酸，細細粒，略嫌紫蘇唔夠勁，整體好味！板魚蛋（$50）好得意，魚蛋彈牙片開夾住芥辣，芥辣好攻鼻，好啱送酒